چۆن دەبیت به‌ فرۆشیارێكی سەرکەوتوو(مندوبێكی باش) (بەشى دووەم) (په‌ڕه‌ 1) - به شی کارگێرى و ئابورى - ¨°o.O (مــه‌كــۆی زێــریــن) O.o°¨
banner

تۆ له‌ ژووره‌وه‌ نیت. تكایه‌ بچۆژووره‌وه‌ یان خۆت تۆمار بكه‌.

ئـــــاگـــاداری.... به رێزان له كاتى رودانى هه ركيشه يه ك يان بابه تيكى ناشياو له ناو مه كۆ ده‌سته‌ی به‌ڕێوه‌به‌ران ئاگادار بکه‌نه‌وه‌ ...يان ئيميل[email protected]


نازناو:  وشه‌ی تێپه‌ڕبوون:  چوونه‌ژووره‌وه‌  |  به‌ ئه‌ندامبوون

¨°o.O (مــه‌كــۆی زێــریــن) O.o°¨ » به شی کارگێرى و ئابورى » چۆن دەبیت به‌ فرۆشیارێكی سەرکەوتوو(مندوبێكی باش) (بەشى دووەم)

په‌ڕه‌ 1

ده‌بێت چوونه‌ژووره‌وه‌ یان به‌ ئه‌ندامبوون بۆ ئه‌وه‌ی بتوانیت وه‌ڵام بنووسیت

RSS ی بابه‌ت

په‌یام [ 1 ]

1 Share

بابه‌ت: چۆن دەبیت به‌ فرۆشیارێكی سەرکەوتوو(مندوبێكی باش) (بەشى دووەم)

http://www.jiasaz.com/blog/wp-content/uploads/2017/08/mm.jpg
: هه‌ڵكۆڵین
له‌ درێژه‌ی بابه‌تی چۆنیه‌تی بوون به‌ فرۆشیارێكی سه‌ركه‌وتوو ئه‌مجاره‌ باسی هه‌ڵكۆڵین له‌ فرۆشتن ده‌كه‌ین كه‌وا كڕۆكی كاره‌كه‌یه‌ و كه‌سی فرۆشیار ده‌بێت تیایدا زۆر شاره‌زابێت، ئه‌ویش به‌ چه‌ند هه‌نگاوێ ده‌كرێت:

25-چەندجارەكردنی پەیوەندیەكانت



هەتا ئه‌گه‌ر چویتە شارێكی تر و سێ كەسی ترت ناسی و ئەم سێ كەسە تەنها سێ كەسی تری بناسن , كەواتە تۆ نۆ كەس پەیوەندی لە پەیوەندیت هەیە ئەم پەیوەندی لە پەیوەندیانە زۆر دەبن بۆ 27 پەیوەندی لە پەیوەندی بەمەش زیاتر دەبێت بۆ 81 پەیوەندی لە پەیوەندی كەواتە تۆ زۆرتر پەیوەندیت دەبێت لەوەی كە چاوەروانت دەكرد.

كه‌واته‌ هه‌میشه‌ په‌یوه‌ندی دروست بكه‌، ئه‌و كه‌سانه‌ی كه‌وا ده‌یان ناسیت ڕاسته‌وخۆ ناوه‌كان و ژماره‌ی مۆبایلیان تۆمار بكه‌، جۆری په‌یوه‌ندیت به‌ كه‌سان تۆمار بكه‌ كه‌وا چۆن ناسیوته‌ تاوه‌كو له‌بیر نه‌كه‌یت. گرینگی به‌ په‌یوه‌ندی بده‌ ئه‌گه‌ر بچوكیش بن، چونكه‌ ده‌تگه‌یه‌نێت به‌ په‌یوه‌ندیه‌ گه‌وره‌كان.

26-لیستی كڕیاره‌ سەرەكیەكان درووست بكە


زۆربەی جارەكان , وا بیر ده‌كه‌ینه‌وه‌ كەوا فرۆشتنی كاڵا یاخود خزمه‌تگوزاریه‌كه‌ت تەنها یەك مامەڵە كردنە, به‌ڵام ده‌كرێت وا نه‌بێت. كاتێك كه‌سێك ده‌بێته‌ كڕیارت، دوای كۆتای پێهێنانی پڕۆسه‌ی فرۆشتن، چه‌ندین فرۆشتنی دیكه‌ ئه‌نجام بده‌یت به‌هۆی ئه‌م كڕیاره‌وه‌. دەتوانی لیستی ناوی كۆمه‌ڵێك كڕیاری ترت پێ بدات و له‌ڕێی ئه‌وه‌وه‌ ده‌ستت بگات به‌ كه‌سانی نوێ به‌بێ گه‌ڕان و سه‌رئێشه‌. ، هه‌ر كڕیارێكت هاوڕێ و هاوده‌م و هاوكاره‌كانی له‌ هه‌مان بواردا كار ده‌كه‌ن، تۆ ده‌كرێت گه‌ر متمانه‌ی كڕیاره‌كانت به‌ده‌ست خست، ئه‌وانیش په‌سه‌ندت بكه‌ن له‌لای كڕیاری تر و به‌مه‌ش زۆرتر و خێراتر بفرۆشیت. بۆیه‌ پێویسته‌ به‌ به‌رده‌وامی لیستی ناوی كڕیاره‌ سه‌ره‌كیه‌كانت لابێت، تاوه‌كو له‌كاتی پێویست پێداچوونه‌وه‌یان بۆ بكه‌یت و به‌خواردنه‌وه‌ی یه‌ك چای له‌گه‌ڵیان، كڕیاری تر په‌یدا بكه‌یت.

27-پێداچوونه‌وه‌ به‌ لیستی كڕیاره‌ په‌سه‌نده‌كانی تایبەت بە خۆت


ئامانجێكی بە هۆش دابنێ بۆ بەرزكردنەوەی لیستی ناردنەكانت بۆ هەموو پەیوەندیەكانی فرۆشتن. له‌و لیسته‌ی كه‌ هه‌ته‌، كڕیاره‌كانت پله‌به‌ند بكه‌، به‌ گوێره‌ی گرینگترین بۆ گرینگ پاشان ئاسایی، له‌گه‌ڵ ئه‌مه‌ش بزانه‌ كامه‌یان له‌ كامه‌ بواری تایبه‌ت كار ده‌كه‌ن، واتا پۆلینیان بكه‌ و به‌گوێره‌ی پۆلین كاریان له‌سه‌ر بكه‌، بۆ نمونه‌، گه‌ر كڕیاره‌ گرینگه‌كانت له‌ بواری ئاو یان ده‌رمان  یان هه‌ر بوارێی تر كار ده‌كه‌ن، هه‌وڵ بده‌ زیاتر له‌سه‌ر ئه‌و بواره‌ شاره‌زایی په‌یدا بكه‌یت تاوه‌كو قولتر له‌ كێشه‌ و چاره‌سه‌ره‌كانی تایبه‌ت به‌م بواره‌ تێ بگه‌یت، ئه‌مه‌ش وات لێ ده‌كات كاتێك ده‌ڕۆیته‌ لایان بۆ فرۆشتنی كاڵاكه‌ت، وا هه‌ست بكه‌ن كه‌وا تێیان ده‌گه‌یت و تۆ ئه‌و كه‌سه‌یت كه‌وا ده‌توانیت خزمه‌تیان بكه‌یت یاخود كاڵاكه‌ت سودیان پێ ده‌گه‌یه‌نێت . هه‌ر له‌م ڕێگه‌یه‌شه‌وه‌ ده‌گه‌یت به‌ كۆمپانیای گه‌وره‌تر له‌م بواره‌ و ڕێكخراوی نێوده‌وڵه‌تی و كه‌سانی سه‌رمایه‌دار، كه‌ ئه‌مه‌ش جیاكاریێكی ترت پێ ده‌به‌خشێت له‌ كه‌سانی تر.

28-دروسكردنی په‌یوه‌ندی لە رێگای بیركردنەوەی درێژخایەن



دروستكردنی پەیوەندیە درێژخایەنەكان لە رێگەی بیركردنەوەی درێژخایەن. زۆربەی خەڵك دەست بە پەیوەندیەك دەكات بە ویستنی دانانی یەك دۆلار و دەستكەوتنی دە دۆلار. تۆ ده‌توانی پەیوەندیەكی بەردەوام بنیات بنێی بە دانانی دە دۆلار و وەرگرتنی یەك دۆلار. به‌ڵام سەرئەنجام تۆ بیست دۆلارت بۆ دەگەرێتەوە. هەندێك جار بەرهەم و خزمەتگوزاریەكانت ناگونجێن لەگەل داواكاری چاوەروانكراوەكانت و تۆ دەزانیت بەرهەم و خزمەتگوزاریەكانی یه‌كێك له‌ كۆمپانیاكانی تر راستەوخۆ لەگەل داواكراوەكانی دەگونجێت. لە حالەتێكی ئاوادا درێژخایانانە بیربكەوە و پەسەندی بەرهەم و خزمەتگوزاریەكان پێشبركێكاره‌كه‌ت بكە، ڕه‌نگه‌ له‌م فرۆشتنه‌ سه‌ركه‌وتوو نه‌بیت به‌ڵام مانای سه‌رنه‌كه‌وتنیش نادات، چونكه‌ تۆ متمانه‌یه‌كت بنیات نا له‌سه‌ر بنه‌مای ڕاستگۆیی، بۆ جاره‌كانی داهاتوو و به‌رهه‌می دیكه‌، ڕاسته‌وخۆ باوه‌ڕت پێ ده‌كات. ئەو بروا پێكردن و متمانەیەی تۆ دایدەمەزرێنی لەگەل كڕایه‌كه‌ت قازانجێكی گەورە دەدات لە داهاتوودا لەلایەن كڕایاره‌كه‌ و هاورێكانی .

یانیش زۆرجار تۆ ده‌زانیت كه‌وا كڕیاره‌كه‌ت پێویستی به‌م كاڵایه‌ی تۆ نیه‌م تێی بگه‌یه‌نه‌ و پێی بڵێ كه‌وا پێویستی به‌ شتێكی تره‌ كه‌ تۆ نیته‌، ئه‌مه‌ش وا ده‌كات كه‌وا متمانه‌ی زۆر تۆكمه‌ دروست بكه‌یت.

http://www.jiasaz.com/blog/wp-content/uploads/2018/09/bigstock-people-technology-statistic-78358124.jpg
هه‌ڵكۆڵین2
٢٩-سکاڵا بەخێرهاتووەکان


چارەسەرکردنی سکاڵایەک بۆ کڕیارێک ڕێگایەکی سەرسوڕهێنەرە تا بازرگانی و فرۆشتنه‌كانت زیاتربێت .

کێشەکە لەسەر ئەستۆی کڕیارەکە لاببە و بخە ئەستۆی خۆت . لەجیاتی ئەوەی داوای لێ بکەیت کە پەیوەندی بە بەشی خزمەتگوزاریەکان بکات . تۆ خۆت دەتوانی پەیوەندی بە بەشی خزمەتگوزاریەکان بکەیت .  . چارەسەرکردنی کێشەکان واتا گۆرینی لیمۆ بۆ ئاوی لیمۆ واته‌ بۆ كڕیاری ئاماده‌ده‌كه‌یت و وا ده‌كات كه‌وا زیاتر متمانه‌ت پێ بكات و بۆ هه‌ر شتێكی تر باوه‌ڕ به‌تۆ بكات .

٣٠-ده‌فته‌ر پەیوەندی کڕیارەکە بەکاربێنە بۆ دەستکەوتنی كڕیاری تر:


پێش ئەوەی داوای كڕیاری تر، سه‌ره‌تا ژماره‌ و زانیاری تایبه‌ت به‌خۆت بده‌ به‌وان تاوه‌كو په‌یوه‌ندیت پێوه‌ بكه‌ن له‌كاتی هه‌ر پرسیارێك.دواتر ده‌توانی ده‌ستپێبكه‌ی و داوای زانیاری پەیوەندی لە کڕیارەکە بکە ، ئەوان دەتوانن

ناو ، ئەدرێس ، ژمارەی تەلەفۆنت بنوسن لە کاتی بوونی هەر پرسیارێک . ئەمەش ئاسانە داوای

كڕیاری تر بکەیت کاتێک ده‌فته‌ری ئەدرێسەکەیان کراوەیە .

هەروەها ئەمە بۆ ئه‌وانه‌ش ده‌كرێت کە هیچ ناکڕن. پێیان بلێ کتێبی ئەدرێسەکەیان دەربهێنن

ئەگەر فکرەیان گۆڕی بۆ ئەوەی پەیوەندیت پێوەبکەن .

٣١-داوا له‌ كڕیاره‌كانت بكه‌ كه‌وا پێشنیاری تۆ بكه‌ن:


هەتا ئەگەر كڕیاره‌كه‌ت نەکڕێت ، دەتوانی سەرکەوتووبی لە داواکردنی ناوی تر ، داواکردن لە خاوه‌ن كاره‌كه‌ بۆ ئەوەی ئاماژەت پێ بکات ئاماژەکردنەکە لەسەر ئاستی کەسی دەبێت .

خاوه‌ن كار سەرنجی تۆی داوە لەکار و دەزانێت تۆ بایەخ پێدەر و هەستیاری . ئەو کەسە

هەموو هۆکارێکی باوەڕکردنی هەیە کە تۆ بەهەمان شێوە هەڵسوکەوت دەکەیت لەگەڵ ئەوانی تردا .

٣٢-هه‌میشه‌ فڵایه‌ر و فۆڕمی داواكاری (اسمارة طلب) به‌جێ بهێڵه‌.


كاتێك به‌ یه‌كێك ده‌ڵێیت پێشنیارت بكات بۆ كه‌سانی تر ده‌بێت شتێكی به‌رجه‌سته‌ به‌جێ بهێڵیت كه‌وا باسی خۆت و كاره‌كه‌ت بۆی بكات، چونكه‌ كه‌ر خاوه‌ن كاره‌كه‌ كڕیاری به‌رهه‌مه‌كه‌ت نه‌بێت مه‌رج نیه‌ هه‌موو زانیاریه‌كانی به‌ زازره‌كی بۆیت ڕوونكردۆته‌وه‌ بیری بمێنێت. بۆیه‌ به‌جێهێشتنی فڵایه‌ر و فۆڕم وا ده‌كات كه‌وا هه‌میشه‌ له‌مێشكی خاوه‌ن كاردابیت و به‌ ئاسانی پێشنیاری تۆ بكات بۆ كه‌سانی تر.

٣٣-هەمیشە کارتی کارکردنت(بزنس كارد) هەڵگرە


هه‌رگیز له‌بیر نه‌كه‌یت كارتی كه‌سیت هه‌ڵگریت، مه‌رج نیه‌ ته‌نها له‌كاتی كاركردنت دابیت ئینجا بزنس كاردت پێ بێت، ڕه‌نگه‌ له‌كاتی ده‌رچونێكی خێزانی یاخود كه‌سی دابیت و باشترین فرۆشتن ئه‌نجام بده‌یت. بۆیه‌ ده‌بێت هه‌میشه‌ بزنس كارده‌كه‌ت له‌ گیرفانت دابێت بۆئه‌وه‌ی ئاماده‌بیت بۆ هه‌ر فرۆشتنێك له‌ هه‌ركاتێكدابیت.

په‌یوه‌ندی ته‌له‌فۆنی
http://www.jiasaz.com/blog/wp-content/uploads/2018/09/e2356f_dd021703f5884ac9984417f77afd28f4_mv2.jpg
٣٤-ده‌ست بكه‌ به‌ به‌كارهێنانی په‌یوه‌ندی ته‌له‌فۆنی :


به‌كارهێنانی ته‌له‌فۆن بۆ فرۆشتن ڕێگایێكی نمونه‌یی و نایابه‌ بۆ بنیادنانی فرۆشتنێكی ئاسان و سه‌ركه‌وتوو، وه‌ زۆر به‌ ئاسانیش تێیدا سه‌ركه‌وتوو ده‌بیت له‌به‌ر ئه‌وه‌ی ژماره‌یه‌كی یه‌كجار كه‌می فرۆشیاره‌كان ئه‌م ته‌كنیكه‌ به‌كارده‌هێنن.

له‌هه‌مان كاتیشدا له‌ هه‌موو كات و شوێنێك ده‌توانیت به‌ كڕیاره‌كه‌ت بگه‌یت، وه‌ له‌كه‌مترین كاتدا سه‌رنجی ڕابكێشیت.

به‌ڵام وریابه‌، په‌یوه‌ندی ته‌له‌فۆنی بۆ ئه‌نجامدانی فرۆشتن نیه‌، به‌ڵكو بۆ وه‌رگرتنی چاوپێكه‌وتنێكه‌ له‌گه‌ڵ كڕیاره‌كه‌ تاوه‌كوو كاڵاكه‌تی پێ بناسێنیت.



٣٥-هه‌وڵ بده‌ هه‌تا ده‌گه‌یت به‌ خاوه‌ن بڕیار:


زۆربه‌ی جار، كڕیاره‌ باشه‌كان كاتیان كه‌مه‌، بۆ ئه‌مه‌ له‌ سه‌ره‌تادا كه‌سانێكی تر ده‌بینیت و پێویستیت ده‌بێت كه‌وا ڕه‌زامه‌ندی ئه‌وان به‌ده‌ستبێنیت تاوه‌كوو بگه‌یت به‌ خاوه‌ن بڕیار.

هه‌وڵ مه‌ده‌ سوكایه‌تی به‌وان بكه‌یت یاخود یاری و فرت و فێڵیان له‌گه‌ڵدا بكه‌یت، ڕاسته‌ ئه‌وان ناتوانن بڵێ ((به‌ڵێ)) و شته‌كه‌ت لێ بكڕن، به‌ڵام ده‌توانن بڵێن ((نه‌خێر)) و كرداری فرۆشتنه‌كه‌ تێك بچێت.



٣٦- له‌كاتی په‌یوه‌ندی كردندا ده‌سته‌واژه‌ی داواكردنی یارمه‌تی به‌كاربهێنه‌:
كاتێك په‌یوه‌ندی به‌كه‌سێكه‌وه‌ ده‌كه‌یت ، ته‌نها ٣ چركه‌ت هه‌یه‌ تاوه‌كو سه‌رنجی ڕابكێشیت، زۆرجار ده‌توانی بڵێیت: ده‌توانم داوای یارمه‌تیێكت لێ بكه‌م؟



خه‌ڵكی زۆربه‌ی جاره‌كان ده‌ڵێن به‌ڵێ، به‌تایبه‌ت ئه‌وانه‌ی كه‌وا حه‌ز به‌ یارمه‌تی دانی كه‌سانی تر ده‌كه‌ن.

دوای ووشه‌ی به‌ڵێ، ده‌توانیت داوای كات یاخود سه‌رنج یاخود چاوپێكه‌وتنێكی لێ بكه‌یت وه‌ك یارمه‌تی.





٣٧- هه‌وڵ بده‌ له‌ كه‌مترین كاتدا په‌یامه‌كه‌ت بگه‌یه‌نیت:


وه‌ك باسمان كرد ته‌له‌فۆن بۆ فرۆشتنی كاڵا نیه‌، بۆ وه‌رگرتنی چاوپێكه‌ونێكی ١٠خوله‌كیه‌. بۆیه‌ كورت و پوخت به‌،

ئه‌مه‌ وا ده‌كات كڕیار لێت بێزارنه‌بێت و ترسی ئه‌وه‌ی نه‌بێت كه‌وا له‌كاتی چاوپێكه‌تنیش كاتی زۆر بگریت.

به‌ر له‌وه‌ی په‌یوه‌ندی بكه‌یت، ئه‌و قسانه‌ی كه‌وا به‌ته‌مایت بیانكه‌یت بیاننووسه‌وه‌، بیابلێره‌وه‌، دووباره‌ و سێ باره‌، تاوه‌كوو ده‌ربڕینه‌كه‌ت ڕه‌وان ڕێك بێت.

له‌هه‌مان كاتدا دووربكه‌وه‌ له‌ هه‌ندێك ده‌سته‌واژه‌ی كه‌وا وه‌ك فرۆشیار پیشانت ده‌دات و ئاسایی قسه‌ بكه‌.





٣٨- هه‌موو كڕیارێ تایبه‌ته‌:


هه‌میشه‌ له‌كاتی فرۆشتن پێویسته‌ سكریپتێكت هه‌بێت به‌شێوازی نوسراو و له‌سه‌ری بڕۆیت ، به‌ڵام نابێت ته‌نها ١ سكریپت بۆ هه‌موو كڕیاره‌كانت به‌كاربهێنیت به‌تایبه‌ت گه‌ر بواری كاركردنیان جیاواز بوو، واته‌ بۆ كڕیارێك كه‌وا بازرگانه‌ له‌گه‌ڵ كڕیارێك كه‌وا فه‌رمانبه‌ره‌ ده‌بێت ووته‌ی جیاواز و ده‌ستپێكی جیاوازت هه‌بێت



٣٩-كاتێك كڕیار ووتی كاتم نیه‌ ، جێی مه‌هێڵه‌:


زۆربه‌ی جار كاتێك په‌یوه‌ندی به‌ كه‌سێكه‌وه‌ ده‌كه‌یت، ده‌ڵێت ببوره‌ كاتم نیه‌، مه‌هێڵه‌ په‌یوه‌ندیه‌كه‌ دابخات تاوه‌كو كاتێكی گونجاوی لێ وه‌رنه‌گریت.

بڵێ : زۆر چاكه‌ ، ئه‌ی كه‌ی كاتتان ده‌بێت؟ ده‌توانم دوای یه‌ك كاتژمێری تر په‌یوه‌ندیت پێوه‌ بكه‌مه‌وه‌؟

به‌ كراوه‌یی جێی مه‌هێڵه‌ و چاوه‌ڕێش مه‌كه‌ ئه‌و بۆت بكاته‌وه‌، وه‌ دڵنیاش ببه‌ كه‌وا شتێكی پێ بڵێیت چاوه‌ڕێت بێت تاوه‌كو پپه‌یوه‌ندی پێوه‌ بكه‌یت، نه‌وه‌كو ژماره‌كه‌ت بلۆكك بكات.

ئه‌گه‌ریش ووتی كاتم نیه‌ بۆت و نابم به‌ كڕیارت، به‌دڵێكی فراوان وه‌ری بگره‌ و ده‌ستخۆشی لێ بكه‌، چونكه‌ دڵنیابیت له‌وه‌ی كه‌سێك نابێته‌ كڕیارت باشتره‌ له‌وه‌ی چه‌ند ڕۆژ و سه‌عاتێك چاوه‌ڕێی په‌یوه‌ندی ئه‌و بیت به‌وهیوایه‌ی ببێت به‌ كڕیار و له‌كۆتایشدا پێبڵێت نه‌خێر.



٤٠-هه‌رگیز له‌په‌یوه‌ندی ته‌له‌فۆنیدا باسی كاڵاكه‌ت مه‌كه‌:


زۆربه‌ی جار كڕیار بۆ ئه‌وه‌ی وازی لێبهێنیت ، به‌دوای بیانوێك ده‌گه‌ڕێت تاوه‌كو له‌كۆڵی ببیته‌وه‌،

بۆیه‌ ده‌ڵێت كاڵاكه‌ت چۆنه‌؟ چۆن كار ده‌كات؟ به‌چه‌نده‌؟ و چه‌ندین پرسیاری تر.

ئه‌مه‌ وا تێمه‌گه‌ كه‌وا ده‌یه‌وێت كاڵاكه‌ت بكڕێت، پێی بڵێ منیش له‌به‌رئه‌مه‌یه‌ داوای چاوپێكه‌وتن ده‌كه‌م تاوه‌كو ئه‌مانه‌ت بۆ ڕوون بكه‌مه‌ و چه‌ند شتێكیشت پیشان بده‌م.

به‌ ووشه‌ی ((پیشان بده‌م)) واتا به‌ ڕێگای ته‌له‌فۆن ناكرێت و پێویسته‌ یه‌كتر ببینن، بۆیه‌ هیچ ڕێگایه‌كی تر نادۆزێته‌وه‌ بۆ ئه‌وه‌ی زوو خۆی له‌ده‌ستت ڕزگار بكات له‌كاتێكدا هیچ ده‌رباره‌ی كاڵا یاخود خزمه‌تگوزاریه‌كه‌ت نازانێت.

په‌یوه‌ندی ته‌له‌فۆنی٢
٤١-په‌یوه‌ندی ته‌له‌فۆنی ترست له‌ناو ده‌بات:


هه‌رچی ترست هه‌یه‌ له‌ ڕوبه‌ڕو بوونه‌وه‌ی خه‌ڵكی و فرۆشتن بیانژمێره‌، ترسه‌كانت بنوسه‌، ڕیزبه‌ندیان بۆ دابنێ و دانه‌ به‌دانه‌ ڕوبه‌ڕوویان ببه‌وه‌. باشترین ڕێگاش بۆ ئه‌م كاره‌ په‌یوه‌ندی ته‌له‌فۆنیه‌،

زۆربه‌ی پاڵه‌په‌ستۆیه‌كانت له‌سه‌ر نامێنێت، چونكه‌ ڕووبه‌ڕوو نیت.

له‌هه‌مان كاتیشدا زانیاریێك په‌یدا ده‌كه‌یت ده‌رباره‌ی كڕیاره‌كه‌ و متانه‌یه‌ك په‌یدا ده‌كه‌یت له‌ چاوپێكه‌وتنه‌كه‌دا و دڵنیایی سه‌ركه‌وتنت زیاتر ده‌دات.



٤٢-ئه‌گه‌ر په‌یامی وه‌ڵامنه‌دانه‌وه‌ی په‌یوه‌ندیت بۆ هات گوێی بۆ بگره‌:


ئه‌گه‌ر په‌یوه‌ندیت كرد به‌ كڕیارێك و وه‌ڵامی نه‌دایه‌وه‌، په‌یامی بۆت نارد  جا چ ده‌نگی بێت یاخود به‌ نووسین، به‌ته‌واوی گوێ ی بۆ بگره‌، تۆنی ده‌نگی بخوێنه‌وه‌، بزانه‌ خێرا یاخود هێواش قسه‌ ده‌كات؟

بزانه‌ قه‌ره‌باڵغه‌ یاخود ده‌وروپشتی چۆله‌؟

كه‌سایه‌تی به‌هێزه‌ یاخود لاواز و له‌ره‌له‌ر دیاره‌؟



٤٣-ڕێژه‌ی په‌یوه‌ندیه‌كانت هه‌ژمار بكه‌ و لێكدانه‌وه‌ی بۆ بكه‌:


په‌یوه‌ندیه‌ ته‌له‌فۆنیه‌كان ده‌بن به‌ چاوپێكه‌وتن و چاوپێكه‌وتنه‌كانیش ده‌بن به‌ فرۆشتن و فرۆشتنیش پاره‌یه‌.

به‌ڵام له‌ هه‌موو په‌یوه‌ندیه‌كان ناتوانی دیدار و چاوپێكه‌وتن وه‌بگریت و له‌هه‌موو چاوپێكه‌وتنێكیش ناتوانی بگه‌یت به‌ فرۆشتن.

بۆیه‌ هه‌مووی لێكبده‌ره‌وه‌ ، بۆ نمونه‌: ئه‌گه‌ر پێویستیت به‌ ١٠ په‌یوه‌ندی ته‌له‌فۆنی هه‌بێت بۆ وه‌رگرتنی ١ چاوپێكه‌وتن ((موعد)) و پێویستیت به‌ ٣ چاوپێكه‌وتن هه‌بێت بۆ ئه‌نجامدانی فرۆشتنێكی سه‌ركه‌وتوو، وه‌ له‌ هه‌ر فرۆشتنێكیش  بڕی $١٥٠ت ده‌ست بكه‌وێت وه‌ك ده‌ستحه‌قی فرۆشتن (كۆمیشن) ئه‌وا تۆ هه‌ر ته‌له‌فۆنێك ئه‌نجامی بده‌یت $٥ی تێداده‌بێت بۆت.

كه‌واته‌ هیچ ته‌له‌فۆنێكت به‌خۆڕایی نه‌ڕۆیشتووه‌ و بێزار مه‌به‌ له‌ په‌یوه‌ندی كردن.



٤٤-كه‌سانی خاوه‌ن بڕیار هه‌میشه‌ زوو ده‌چێت بۆ كار و دره‌نگ ده‌گه‌ڕێته‌وه‌ له‌ كار:


ئه‌گه‌ر ده‌ته‌وێت بگه‌یت به‌ خاوه‌ن كاره‌ سه‌رقاڵه‌كان وخاوه‌ن پاره‌كان و كه‌سه‌ به‌ناوبانگه‌كان، ئه‌وا بێگومان ده‌بێت یان به‌ر له‌ ده‌ستكردن به‌كاره‌كه‌ی له‌ به‌یانی زوو ، یاخود به‌ر له‌ ده‌وامی، یانیش دوای ته‌واوبوونی ده‌وامی ئاسایی.

به‌ده‌ر له‌م كاته‌ش له‌كاتی خواردنی نانی نیوه‌ڕۆ كاتێك سكرتێر و یارمه‌تیده‌ره‌كانی ده‌ڕۆن بۆ ناخواردن و كه‌س نابێت له‌ جیاتی ئه‌و ته‌له‌فۆن هه‌ڵبگرێت.

وه‌ له‌م كاتانه‌ش هیچ كۆبونه‌وه‌یه‌ك بوونی نیه‌ تاوه‌كوو ته‌له‌فۆنه‌كه‌ی بكوژێنێته‌وه‌ یاخود بیانووی وه‌ڵام نه‌دانه‌وه‌ی هه‌بێت.

ئه‌وكاتانه‌ باشترین كاتن بۆ ده‌ست گه‌یشتن به‌ كه‌سانی خااوه‌ن كاری گه‌وره‌.



٤٥-وا بكه‌ ئه‌وان بڕیار بده‌ن نه‌ك و ترسی بڕیاردانیان له‌سه‌ر مه‌هێڵه‌:

A portrait of a young woman trying to make a decision over white background
به‌پێی زۆربه‌ی توێژینه‌وه‌ ده‌روونیه‌كان، %٧٣ی خه‌ڵكی ناتوانن به‌یه‌كجار بڕیار بده‌ن و به‌ سه‌ركه‌شی ناوی ده‌به‌ن.

وه‌ هه‌ركاتێكیش هه‌ركه‌سێك په‌یوه‌ندیێكی بۆ بێت و داوای پاره‌شی تێدا بكرێت، ئه‌وا بڕیاردان قورستر ده‌كات.

تۆش ده‌زانیت كه‌ یه‌كتر دیتن و چاوپێكه‌وتنه‌كه‌ بۆ وه‌رگرتنی پاره‌یه‌ له‌وان، بۆیه‌ بڕیاردان بۆیان قورس ده‌بێت.

ته‌كنیكه‌كه‌ لێره‌ ئه‌وه‌یه‌: له‌ ته‌له‌فۆن داوایان لێبكه‌ بۆ یه‌كتر دیتن له‌نێوان ٢ كاتدا یه‌كێك هه‌ڵبژێرن.

ئه‌مه‌ وایان لێ ده‌كات بڕیارێك بده‌ن و ترسیان له‌بڕیاردان بشكێت و ئااسانتربێت بۆیان بڕیااری كڕینه‌كه‌ بده‌ن.

وه‌ له‌هه‌مان كاتیشدا كاتێك كه‌وا ئه‌وان بڕیار ده‌ده‌ن له‌سه‌ر دانیشتنه‌كه‌، چاوپێكه‌وتنه‌كه‌ به‌ هی خۆیان ده‌زانن و كراوه‌تر گوێت بۆ ده‌گرن.

به‌ڵام هه‌رگیز نه‌كه‌یت بڵێیت هه‌ركاتێك دابنێن پێم ده‌كرێت، چونكه‌ له‌م كاته‌دا تۆ به‌بێ ئیش و لاواز ده‌رده‌كه‌ویت.



٤٦-با په‌یوه‌ندیه‌كه‌ت هاوڕێیانه‌ بێت:


خه‌ڵك به‌رگرتی هه‌یه‌ به‌رامبه‌ر به‌ فرۆشیاره‌كان، به‌تایبه‌ت كه‌وا كاتێك ئه‌وان ده‌ست پێ ده‌كه‌ن و داوا له‌ كڕیار ده‌كه‌ن بۆ كڕینی شتێك.

بۆیه‌ به‌ ڕه‌سمی قسه‌ مه‌كه‌، هه‌وڵ بده‌ هاوڕێیانه‌بیت و ئه‌و دیواره‌ له‌نێوانتان دروست نه‌بێت، بۆ نمونه‌ بڵێ : له‌گه‌ڵ كاك فلان قسه‌ ده‌كه‌م؟ چۆنی؟ هیوادارم ئه‌و سه‌رمایه‌، یاخود ئه‌و گه‌رمایه‌ كاریگه‌ری خراپی له‌سه‌ر نه‌بووبێت.

ئــه‌گـه‌ر له‌ ژیـانـت دا ئامانجت نیه‌ ،، بـا یه‌كه‌م ئامـنجت په‌یداكردنی ئامانجێك بێ !

(تکایه‌ بڕۆ ژووره‌وه‌ یان  ببه‌ ئه‌ندام بۆ ئه‌وه‌ی بتوانی به‌سته‌ره‌که‌ ببینی)

(تکایه‌ بڕۆ ژووره‌وه‌ یان  ببه‌ ئه‌ندام بۆ ئه‌وه‌ی بتوانی به‌سته‌ره‌که‌ ببینی)


(تکایه‌ بڕۆ ژووره‌وه‌ یان  ببه‌ ئه‌ندام بۆ ئه‌وه‌ی بتوانی به‌سته‌ره‌که‌ ببینی)

په‌یام [ 1 ]

په‌ڕه‌ 1

ده‌بێت چوونه‌ژووره‌وه‌ یان به‌ ئه‌ندامبوون بۆ ئه‌وه‌ی بتوانیت وه‌ڵام بنووسیت

¨°o.O (مــه‌كــۆی زێــریــن) O.o°¨ » به شی کارگێرى و ئابورى » چۆن دەبیت به‌ فرۆشیارێكی سەرکەوتوو(مندوبێكی باش) (بەشى دووەم)

بابەتى نوێ هەیە. بابه‌تی نوێ نییه. بابه‌تی داخراو. بابه‌تی هەڵواسراو. بابه‌تی هەڵواسراو و داخراو. بابه‌تی گواستراوە.

پله ی ئه ندامان


Currently used extensions: online_plus, thanks, favorite_topic, show_links_blank. Copyright © 2008 PunBB

ڕووکارى Kurdish_Green لەلایەن KarDo

دواین 10 بابەت
راپۆرتێکم ئەوێ تکایە| راپۆرت (دیاردەى خۆکوشتن)| هه ر رابؤرتيكت ده وئ داوا بكه| راپۆرتێکم ئەوێ تکایە| زانستى بومەلەرزەزانى seismology| چۆن دەبیت به‌ فرۆشیارێكی سەرکەوتوو(مندوبێكی باش) (بەشى سێیەم)| چۆن دەبیت به‌ فرۆشیارێكی سەرکەوتوو(مندوبێكی باش) (بەشى دووەم)| چۆن دەبیت به‌ فرۆشیارێكی سەرکەوتوو(مندوبێكی باش) (بەشى یەکەم)| (سیمینار)پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟| سیمینار لەسەر سەرکەوتن|