(سیمینار)پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟ (په‌ڕه‌ 1) - خوێندن و خوێندکاران - ¨°o.O (مــه‌كــۆی زێــریــن) O.o°¨
banner

تۆ له‌ ژووره‌وه‌ نیت. تكایه‌ بچۆژووره‌وه‌ یان خۆت تۆمار بكه‌.

ئـــــاگـــاداری.... به رێزان له كاتى رودانى هه ركيشه يه ك يان بابه تيكى ناشياو له ناو مه كۆ ده‌سته‌ی به‌ڕێوه‌به‌ران ئاگادار بکه‌نه‌وه‌ ...يان ئيميل[email protected]


نازناو:  وشه‌ی تێپه‌ڕبوون:  چوونه‌ژووره‌وه‌  |  به‌ ئه‌ندامبوون

¨°o.O (مــه‌كــۆی زێــریــن) O.o°¨ » خوێندن و خوێندکاران » (سیمینار)پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟

په‌ڕه‌ 1

ده‌بێت چوونه‌ژووره‌وه‌ یان به‌ ئه‌ندامبوون بۆ ئه‌وه‌ی بتوانیت وه‌ڵام بنووسیت

RSS ی بابه‌ت

په‌یام [ 1 ]

1 Share

بابه‌ت: (سیمینار)پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟

https://defaultcustomheadersdata.files.wordpress.com/2016/07/design2.jpg?resize=960,300
پێناسەی پلان : بریتیە لە كێشانی هێڵێكی پان بۆ بەدیهێنانی ئامانجەكان كە بریتیە لە قۆناغی بیركردنەوە كە پێش هەموو كارێك دەردەكەوێت وە كۆتایی دێت بە بریار دان لە سەر ئەوەی كە پرۆسەكە چۆن ئەنجام؟ دەدرێت كەی ئەنجام دەدرێ؟ كێ ئەنجامی دەدات؟ ، مەبەست لە مەش دیاری كردنی سەرەتایەكە بۆ پرۆسەی ڕێكخستنی هێزی مادی و مرۆیی بەسەرپەرشتی كردن و چاودێری كردن ..

لە پێناسەیەكی ترد ا پلان بریتیە لە پرۆسەیەك كە هەڵدەستێت بە دیاری  كردن وپێوانی گرفتە تەندەروستی و كۆمەڵایەتیەكان ، بۆ تێگەیشتن لۆ هۆكاری دروست بونی وە دانانی ئامانج لە سەر بنەمای (توانا،پێداویستی، پڕۆگرام) لە خزمەتگوزاری كۆمەڵایەتیدا...
پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟؟
پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟؟ ئەگەر سەركەوتوو بوویت پێویست دەكات جارێكیتر پلان دابڕێژی ؟؟ ئەگەر دووبارە پلانێكت خستە بەردەمی خۆت بەڵام سەركەوتوو نەبووی ئایە بیرۆكەو پڕۆژەكەت پوچەڵ دەبێتەوە یان دەتوانی دووبارە پلانێكیتر دابڕێژییەوە ؟؟ بەڕاست تا ئێستا پلانت داناوە ؟؟سەركەوتوو بووی ؟؟ ئەگەر سەركەوتوو بووی واتە گەیشتی بە ئامانجەكەت بەڵام بۆ بەسادەیی سەیری ژیان دەكەی بۆ زیاتر هەوڵ نادەی !! خۆ تۆ بەڵێنت دابوو پلانەكەت بە سەركەوتوویی تەواو بكەی وە هەروەها بە ئامانجەكەت بگەی وە كارێكی باشتری بەدوادا بكەیت بەڵام ئەنجامت نەدا !!

پرسیار

بە بیرۆكەی تۆ پلانەكەت داهاتووت دیاری دەكات ؟؟ ئەی بۆ هەندێك جار بە ئامانجەكەت ناگەیت !! بەڕاست تا ئێستا ئامانجت داناوە ؟؟ ئەگەر داتناوە تا ئێستا پیی گەیشتی ؟؟ ئەگەر پێی گەیشتی واتە پلانەكەت بەدڵ بوو یان ئەگەر بە دڵت نەبوو هۆكارەكەی چیبوو ؟؟

پرسیار

ئەگەر تا ئێستا بە ئامانجەكەت نەگەیشتووی هۆكارەكەی چیبوو ؟؟ بیرۆكەی خۆت بەدڵ نەبوو یان متمانەت بەخۆت نەبوو یان تواناكانی خۆت پێ لاواز بوو ؟؟ ئەگەر بیرۆكەكانی خۆت بەدڵ نەبوو ئەوە بۆچی باشتر بیرت نەدەكردەوە ؟؟ ئەگەر متمانەت بەخۆت نەبوو ئەوە بۆچی هەستای بە ئەنجامدانی كارێك یان پلانەكەت ئەگەر تواناشت نەبوو بۆچی هەستت دەكرد كە كەسیكی بە توانای ؟؟ ئێستا زانیت كە پلان دانان پێویستە ( بیرۆكە و توانا و متمانەت ) هەبێت ئەگەر هەر یەكیكت لەمانە نەبوو لەوانەیە گەیشتن بە ئامانجەكەت تۆزێك ئەستەم بێت

پرسیار

ئەگەر دووكەس هەمان ئامانجییان هەبێت یەكیكیان بە پلان بەرەو ئامانجەكەی بەڕێكەوت بەڵام ئەوەیتر بەبێ پلان ئایە كامیان لەكاتیكی زووتر دەگات بە ئامانجەكەی ؟؟ بەڵێ بە دڵنییایی ئەوەی كە پلانەكەی داڕێژتبوو زووتر دەگات بە ئامانجەكەی هۆكارەكەی بۆئەوە دەگەڕێتەوە كە پلان وادەكات كاتت بە فیڕۆ نەدات بە بیرۆكە لێی نزیك دەبێتەوە بوونی متمانە زیاتر دەكات بەڵام با ئەوش لەبیر نەكەین بەبێ پیلانیش هەر پێی دەگەیت بەڵام لەكاتێكی دەرنگتر وە بەبێ بیرۆكە

پلان چۆن سەركەوتوو دەبێت ؟؟


هەركەسێك بییەوێت پلانەكەی سەركەوتوو بێت ئەوا دەبێت بیرۆكەكانی جییاوازتر بێت وەهەروەها متمانەیەكی زیاتری بەخۆی هەبێت بۆ بەرەو پێشچوون وەهەروەها توانای هەبێت بۆ لەناوبردنی هەر بەربەستێك،،مرۆڤ كاتێك بەڕێكەوت ڕووبەڕووی جۆرەها ناخۆشی دەبێت یان بەربەست دروست دەبێت بۆ لەناوبردنی هەر بەربەستێك مرۆڤ دەبێت تواناكانی و متمانەیەكی زیاتری بەخۆی هەبێت بەڵام لەپێش ئەوانەوە دەبێت بیرۆكەكانی بەكار بێنێت

لە ڕاستیدا ئێستا بابەتەكە لەلات ئاڵۆز بووە بەڵام بەكورتی ژیان پێویستی بە چوار شتی سەرەكی هەیە گرینگترینیان پلانە دوایی بیرۆكەیەكی بەهێز دوایی متمانە ئینجا توانا،،ئەگەر كەسێك تواناشی هەبێت بەڵام متمانەیەكی چاكی بەخۆی نەبوو ئەوە ئەو كەسە سەركەوتوو نابیت ئازیزەكام ژیان پەیوەستە بە پلان دانان بۆ بەدەست هێنانی دوونیاكەیتریش هەر پلانی دەوێت

تائێستا بیرت كردۆتەوە لەسەر زەوی شتێك هەیە بە ناوی پلان بەڵام لە جەهەنەم و بەهەشت ئەو شتە نییە !! لەسەر زەوی شتێك هەیە بە ناوی ئامانج بەڵام لە جەهەنەم و بەهەشت ئەو شتە نییە لەسەر زەوی توانا هەیە بۆ هەركەسێك بە ڕێژەیەكی دیاری كراو بەڵام لە جەهەنەم ئەو شتە نییە بەڵكو لە بەهەشت هەیە ئەگەر تۆزێك زیاتر بچمە ناو بابەتەكە ژیان هەر خۆی پلانە بەهەشت و جەهەنەم ئامانجی مرۆڤن بەڵام دەبێت بیرۆكەكانی خۆت بەكار بهێنێت بۆ بەدەست هێنانی بەهەشت وەهەروەها متمانەت بەخۆت هەبێت لەسەر كاری باشە

پێشەنگی  پلانی دەربەست بوونی خۆت بە

ئایا تۆ

بیروبۆچوونی تایبەت بە خۆتت هەیە كە دەتەوێت داهاتووت چۆن بێت؟
دەتەوێت وتەی خۆتت هەبێت لە بڕیاردانی داهاتووی خۆت دا؟
ئەگەر وایە، دەتوانیت بەدی بهێنیت بە بەشداریكردن لە پلان دانانی خۆت  بۆ دەربەست بوون!

دەربەست بوون چیە؟   



دەربەست بوون پرۆسەیەكە بۆ نوێ بوونەوە، پڕۆسەیەك یان ماوەیەكی كاتیە كە تێیدا شتێك بە گۆڕانێكدا تێدەپەڕێت لە قۆناغێكەوە  یاخود جۆرێك، یان چالاكیەكەوە بۆ یەكێكی دی.

جێی گرنگیە كە بیربكەیتەوە لە دەربەستبوونی گەنجیی خۆت چونكە ئەگەر هەنگاوی راستت هەڵگرت لەو كاتەدا، ئەو كاتە دەتوانیت بناغەیەكی تا چەند دەتوانرێت سەربەخۆ دانێیت  كاتێك كە پێگەیشتویەكی گەنجیت، بۆ ئەوەی ئەو داهاتووە بەدەست بهێنیت كە هەمیشە خەونت پێوە بینیوە.

پلانی دەربەست بوون چیە؟

پلانی دەربەست بوون دەتوانێ یارمەتیت بدات لە هەڵگرتنی بەرپرسیارێتی داهاتووی خۆت، ئەمە تواناو بەهرەكانت لەگەڵ ئارەزووەكانیشت دەگرێتەوە، بەستنەوەی ئەوانە لەگەڵ بەشەكانی زانكۆ و كارەكان دا، ڕێكخستنی ئامانجی تایبەت  و ئامانجی كار بۆ خودی خۆت، وە هەلبژاردنی ئەو كۆمەڵە و چالاكیانەی یارمەتیت دەدات بگەیتە ئەو ئامانجانە.

پلانی دەربەست بوون ئەو كارەی كە ئێستا دەیكەیت دەبەستێتەوە بەو كارەی كە ئارەزووت لێیە بیكەیت لە داهاتوودا، هەر وەكوو دەرچوون لە زانكۆ یان بەدەستهێنانی كارێك.

بە گشتی لە قۆناغی ناوەندی (خوێندن)دا دەست بە پلان دەكەیت یان قۆناغی (٩)ی خوێندن، وە كاری لەسەر دەكەیت هەموو ساڵێك هەتا دەگەیتە ئامانجەكانی دەربەست بوون كە خۆت داتناوە بۆ خودی خۆت.

بۆچی دەبێت خۆم پێشەنگی پلانەكانی دەربەست بوونی خۆم بم؟

هەندێ جار ئاسانتر دەردەكەوێت ئەگەر كەسێكی پێگەیشتووتر (گەورەتر) لە خۆت پلانی دەربەست بوونت بۆ دابنێت، یاخود هەمان ئەو شتە بكەیتەوە كە هاوپۆلەكانت دەیكەن. بەڵام ئەوان ناتوانن باشترین هەلبژاردەكانت بۆ بكەن. تۆ دەزانیت كە خۆت چیت دەوێت بۆ داهاتووی خۆت، وە مادام ئەوە پەیوەندی بە تۆوە هەیە بۆ ئەوەی بە دی بهێنیت، دەبێت خۆت تێوەبگلێیت لە پلان دانان بۆی.

ئەگەر تۆ (خاوەن پێداویستی تایبەت)ت ، ئەوە زێدەتر گرنگە بۆ تۆ كە بەشداری لە پلان دارشتنی دەربەست بوونت بكەیت. بۆ رۆشتنە زانكۆ و بەدەست هێنانی كارێك دەبێت تۆ پلانی تایبەت بە خۆت هەبێت لە خزمەتگوزاریەكان (وەكوو گواستنەوە و یاریدەدەری كەسیی تایبەت)، وە هیچ كەسێك نازانێت پێویستی باشتر بۆ تۆ چیە بێجگە لە خۆت.

٤ هەنگاو بۆ پێشەنگی كردن لە پلان دانانی دەربەست بوون بۆ خۆت

١. ئێستا دەست پێ بكە! ڕەنگە  گەورە بوون و پێگەشتن لای تۆ دوور بێـت، بەڵام چەند شت هەیە.. وەكوو وەرگرتنی كۆرسی زمانێكی نوێ، پەرەپێدانی توانا و بەهرە سادەكانت، وە فێربوونی كارگێڕی كردنی پارە.. كە دەبێت تۆ ئێستا بیكەیت تا ئامادە بیت بۆكاتێك لە ناوەندی و ئامادەی  دەردەچیت  و دەچیتە زانكۆ یان خوێندنێكی هونەری  دەست پێ دەكەیت،  كارێك بە دەست دەهێنیت، وە بتوانیت تا چەند دەكرێت بە سەربەخۆیی بژیت. هەتا زووتر دەست بكەیت بە پلانی دەربەست بوونت باشترە!

٢.بڕیار بدە چۆن دەتەوێت پلانەكەت ڕێك بخەیت: دەتوانیت پلانی دەربەست بوون بكەیت بە بەكار هێنانی ئەو پرۆسە پلانانەی كە بۆ شێوازی بار و دۆخی تۆ دانراوە، بۆ نموونە:

پلانێكی 4 ساڵی یان پلانی فێربوونی تاكە كەسی.
پلانی پەروەردەیی تاكە كەسی (بۆ نموونە ئەگەر خاوەن پیداویستی تایبەت بیت)
٣. گروپێك دروست بكە. پلانی دەربەست بوون شتێك نیە كە دەبێت هەر بە تەنیا بكرێت. بیر بكەرەوە لە بانگهێشت كردنی ئەو كەسانەی كە خۆت باوەرت پێیان هەیە یان ڕێزیان لێ دەگریت بۆ ئەوەی لە گرووپی پلان دانانەكەت دا ببن. هەندێك لەو كەسانە دەكرێ :

هاوڕێ و ڕێ نیشاندەرەكانت
تاكەكانی خێزانەكەت
مامۆستا و فێركارەكانت
خاوەن كارەكەت یان ڕێ نیشاندەرە پێگەیشتووەكان
كەسانی ڕاوێژكار ئەكادیمی
راوێژكار یان ڕێكخەری پرس و كەیسەكان بن.
٤.دەست بكە بە پلان دانان! دەست بكە بە پلانی دەربەست بوون ئەو كاتەی لە مێشكت دا كۆتاییت پێ هێنا. پێش هەموو شتێ بیر بكەرەوە چ جۆرێك داهاتووت دەوێت بۆخۆت وەكوو پێگەشتوویەك، وە ئامانجی دوور بۆ خۆت دابنێ. پاشان بزانە دەتوانیت ئێستا چی بكەیت، لە كاتی دەربەست بوونت بۆ ئەوەی بگەیتە ئەو ئامانجانە. ئەمانە چەند شتێكن بۆ ئەوەی بیریان لێ بكەیتەوە:

لە چ كارێك دا باشیت وە ئارەزووی چیت هەیە بیكەیت؟

كام كارە پەیوەندی هەیە بەوانەوە؟
چ جۆرێك لە پەروەردە و، بەهرەمەندی و ئەزموونێك پێویستە بۆ ئەو كارە؟
ئەو شتانەی كە دەبێـت بیریان لی بكەیتەوە

ئەمە تەنها بۆ كار و خوێندن نیە.  لە كاتی پلان دانان بۆ دەربەست بوون بۆ ژیانێكی پێگەیشتوو، دەبێت پانتاییەكی گەورە لە توانا و بەهرەمەندی فێر بیت وەكوو چۆنیەتی:

ڕێكخستنی پارە و دۆزینەوەی خانوو
چێشت لێنان، خواردن و خواردنەوەی تەندروست
مەشق كردن و كەم كردنەوە و نەهێشتنی فشاری دەروونی خۆت
بەدەست هێنانی پەیوەندی و یارمەتی لە خوێندنگە ، شوێنی كار وە ماڵەوە
بەكارهێنانی هۆكارەكانی گواستنەوە لە ناو كۆمەڵگەكەت دا
بەشداری كردن لە چالاكیە مەدەنی و شارستانیەكان دا
گەورە بیر بكەرەوە بەلام بە بچوكی دەست پی بكە. هەندێك ئامانج ، بۆ نموونە دەست كردن بە ئیش، لەوانەیە زۆر گەورە و گران دیار بێت كە تۆ نازانیت لە كوێوە دەست پی بكەیت، بەلام ئەگەر تۆ ئەو ئامانجە گەورانە بشكێنیت بۆ زنجیرەیەكی پارچە پارچە كراو، ئەوكاتە ئاسانتر دەبێت بۆ پلان بۆ دانانیان وە پێشكەوتن لەو ڕێگەیەدا.

گۆڕین و نوێخوازی باشە. پلانەكان لە كاتێكەوە بۆ كاتێكی تر دەگۆڕێن، پلانی دەربەست بوونیش هەروەها. بۆ نموونە ، لە نیوەی خوێندنی ناوەندیدا لەوانەیە كارێكی تازە درك پێ بكەیت كە پێت خۆشە. ئەوە ئاساییە! تەنها دلنیابە لەوەی كە پلانەكەت نوی بكەیتەوە بە بەردەوامی كە ڕیزكراوە  لەگەڵ ئامانجەكانی ئێستای خۆت دا.

بەردوام بە لە تۆمار كردن. بەشێكی گرنگ لە پلانی دەربەست بوون ئەوەیە كە بەردەوم بیت لە تۆمار كردنی هەموو شتێك كە دەیكەیت. ئەوە وات لی دەكات كە بزانیت بە كام لەو ئامانجانە دەگەیت، وە كامانەش پێویستت بە یارمەتیە تێیدا. هەروەها بیرت بێت كە بەڵگە گرنگەكان بپارێزیت وەك بروانامە و تۆماركراوەكان و هتد، ئەوانەت پێویست دەبێت لە داهاتوودا!

دەست بەكار بوون!

ئێستا كە دەزانیت:

پلانی دەربەست بوون چیە،
چی گرنگە كە بەشداری تێدا بكەیت، وە
4 هەنگاو كە دەتوانیت پێشەنگی پلانەكانی دەربەست بوونی خۆتی پی بكەیت…
… دەست بكە بە بەشداریكردن لە پلانی دەربەست بوونی خۆت!



قۆناغی پلان دانان
1-    ئامادەكاری
2-    دانانی پلان
3-    3- قۆناغی جێبەجێكردنی پلان
4-    چاودێری كردن
5-    قۆناغی بە هێز كردن

ئامانجی پلانی كۆمەڵایاتی

دەردەكەوێت وەڵامی ئەم پرسیارانەی خوارەوە دەداتەوە
پێویستە چی بكرێت *چۆن بكرێت* پێویستە چی ئامادەبرێت* كەی دەست بە ئەنجامدانی بكرێت*

گرنگی پلان دانان :

1-    یارمەتی رێكخستنی تواناكان دەدات لە هەموو ئاراستەكان
2-    یارمەتی دەر دەبێت بۆ دانانی بنەماكانی پێشكەوتن وە پلان هەوڵ دەدات كۆمەڵێ ئامانج بۆ داهاتو دیاری بكات
3-    دانانی پێوەرێكی تایبەت بۆ سامانی مرۆیی لە كاتی جێ بە جێ كردنی پلان دا (ستاندارد)
4-    گەشەپێدانی توانای بەڕێوبەرەكان بۆ جێ بە جی كردنی پلان بە جوانترین شێوە
5-    پلان یارمەتی دەر دەبێت بۆ ئاراستە كردنی هەمو تواناكان بەرەوە ئامانجی هاوبەش و ڕێكخراو
6-    پلان بە بنەمای پرۆسەی چاودێری كردن دادەنرێت
7-    پلان جی گرەوەی بریاری هەرەمەكیە

تایبەتمەندیەكانی پلان :

1-    گرنگی دان بە بەڕێوەبردنی دامەزراوەكان وە زیاد كردنی وشیاری دەربارەی ئەو لێكۆلینەوەو توێژینەوانەی سەبارەت بە داهاتوو دەكرێت وەدروست كردنی توانای پێشبینی بۆ روداوەكان وە پێش روداوەكان
2-     پالپشتی كردنی هەوڵەكان لە كاتی بڕیار دان لە هەمو ئاراستەكان و هەمو چالاكیەكان
3-    پێداگری لە سەر ئامانجەكانی ڕێكخراو، ئە شتەی كە پەیوەستە بە ئاستی بە دەست هاتوەكان لە هەموو قۆناغەكان

هەنگاوەكانی پرۆسەی پلان:

1-    دیاریكردنی ئەو ئامانجەی دەمانەوێت ب دەستی بینین وەدەربڕینی چەمكی ڕوون و ئاشكرا وەك زیادكردنی ئاستی دەستكەوت
2-    دیاریكردنی شێوازەكانی جیگرەوە بۆ گەیشتن بە ئامانج لە سەر بنەمای شارەزایی پێشو بۆ پێشبینی دهاتو
3-    هەڵبژاردنی باشتری بە دیل كە لە ئامان ج نزیكمان دەخاتەوە
4-    داڕشتنی ئەو بەرنامەی دەبێت ئەنجام بدڕێت بۆ بە دەستی هێنانی ئامانج وە دابینكردنی پێدواسیتی وە ڕوبەروونەوەی گرفت
5-    دانانی پڕۆگرامی كاركردن بە خشتیەیەكی كاتی دیاری كراو

ئەوهۆكارانەی پلان پی كاریگەر دەبێت :

1-    هۆكاری سروشتی

2-    هۆكاری رێكخستن

ڕۆلی پلان:

1-    لە دانانی پلان چەند لایە نی ك بەژدار دەبن لە ناوەوە و دەرەوەی دامەزراوەكان وەهەریەكیكیان لە كۆی ئەم قۆناغەدا بەژدار دەبن
2-     دیاری كردنی ئامجە تایبەتیەكانی پلان كە ئەویش خۆی دەبینیتەوە لە ئامانجی ستراتیژی و ئامانجی كارپێكراو
3-    دیاری كردنی شێوازەكانی جێگرەوە بۆ بەدەست ‌هێنانی ئامانج
4-    دیاری كردنی پیداویستیەكان (مادی و مەعنەوەی) بۆ جێبە جێكردنی پلان
5-    دانانی كاتێكی دیاری كراو پلان

كەم و كوڕییەكان ی پلان :

1-    زیادەڕەوی لە پلان دانان دەبیتە هۆی لە دەستدانی  كات و بەرزبونەوە تێچونی جێبە جیكردنی پلان ، وەئەگەر پلان ماوەیەكی زۆری خایەند ئەوەندەی بە دانانی پلانەوە خەریك دەبین ئەوەندە بە جێبە جێ كردنی پلان ەوە سەرقال نابین ئەمەش دبێتە هۆی ئەوەی لە بەدەست هێنانی ئامانج دووربكەوینەوە
2-    بنەمای هەموویان هیچ پێچەوانەیە لەگەڵ واقیعی ژیان ،ئالۆزی ئەمرۆ وە ناتوانرێت لە مڕۆ دا لە ماوەیەكی دیاری كراو بگەینە هەموو شتیك
3-    دەبێت ملكەچ و دەست بەرداری بكرێت لە بەشێك لە ئامانجەكان ،وەجاری وا هەیە بۆ دوو گرفتی جیاواز یەك پلان بەكاردەهێنریت لە گەڵ ئەوەشدا هۆ كار و ناوەڕۆكی كێشەكان لە یەكتر جیاوازن
4-    جاری واهەیە دەسەڵات دەدات بەبەڕێوبەر بۆ دەكردنی بڕیارەكان بۆ سەپاندنی بۆچونی خۆی بەسەر لایەنەكانی تر ،

جۆرەكانی پلان:

1-    پلان بە پێی بارو دۆخ:

‌ا- پلانی پەیكەری
ب- پلانی وەزیفی
2-    پلان بە پێی دەرفەت :
أ‌-    پلانی بەش
ب‌-    پلانی گشتگیر

3-    پلان بە پێی ئاراستەكان

أ‌-    پلانی گشتی نەتەوەیی
ب‌-    پلانی هەرێمی
ت‌-    پلانی ناوخۆ
پ‌-    پلانی كەرتی

4-    پلان بە پێی بوارەكان

أ‌-    پلانی سروشتی
ب‌-    پلانی ئابووری
ت‌-    پلانی كۆمەڵایەتی
پ‌-    پلانی ڕۆشنبیری

5-    پلان بەپێ ئاراستەكان

أ‌-    ئاراستەی دیاری كراو
ب‌-    پلانی بێ ئاراستە (دیاری نەكراو)

6-    پلانی بەردەوام و پلانی لە ناكاو

7-    پلان بە پێی ڕێگە چارەكان

أ‌-    پلانی كراوە
ب‌-    پلانی پێشەكی پارە بۆ ئامادەكراو
ت‌-    پلانی جێگرەوە

8-    پلان بە پێی ماوە

أ‌-    پلانی ماوە درێژ
ب‌-    پلانی مام ناوەند
ت‌-    پلانی كورت

ئــه‌گـه‌ر له‌ ژیـانـت دا ئامانجت نیه‌ ،، بـا یه‌كه‌م ئامـنجت په‌یداكردنی ئامانجێك بێ !

(تکایه‌ بڕۆ ژووره‌وه‌ یان  ببه‌ ئه‌ندام بۆ ئه‌وه‌ی بتوانی به‌سته‌ره‌که‌ ببینی)

(تکایه‌ بڕۆ ژووره‌وه‌ یان  ببه‌ ئه‌ندام بۆ ئه‌وه‌ی بتوانی به‌سته‌ره‌که‌ ببینی)


(تکایه‌ بڕۆ ژووره‌وه‌ یان  ببه‌ ئه‌ندام بۆ ئه‌وه‌ی بتوانی به‌سته‌ره‌که‌ ببینی)

په‌یام [ 1 ]

په‌ڕه‌ 1

ده‌بێت چوونه‌ژووره‌وه‌ یان به‌ ئه‌ندامبوون بۆ ئه‌وه‌ی بتوانیت وه‌ڵام بنووسیت

¨°o.O (مــه‌كــۆی زێــریــن) O.o°¨ » خوێندن و خوێندکاران » (سیمینار)پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟

بابەتى نوێ هەیە. بابه‌تی نوێ نییه. بابه‌تی داخراو. بابه‌تی هەڵواسراو. بابه‌تی هەڵواسراو و داخراو. بابه‌تی گواستراوە.

پله ی ئه ندامان


Currently used extensions: online_plus, thanks, favorite_topic, show_links_blank. Copyright © 2008 PunBB

ڕووکارى Kurdish_Green لەلایەن KarDo

دواین 10 بابەت
راپۆرتێکم ئەوێ تکایە| راپۆرت (دیاردەى خۆکوشتن)| هه ر رابؤرتيكت ده وئ داوا بكه| راپۆرتێکم ئەوێ تکایە| زانستى بومەلەرزەزانى seismology| چۆن دەبیت به‌ فرۆشیارێكی سەرکەوتوو(مندوبێكی باش) (بەشى سێیەم)| چۆن دەبیت به‌ فرۆشیارێكی سەرکەوتوو(مندوبێكی باش) (بەشى دووەم)| چۆن دەبیت به‌ فرۆشیارێكی سەرکەوتوو(مندوبێكی باش) (بەشى یەکەم)| (سیمینار)پلان چییە ؟ بۆچی بەكاردێت ؟ بۆ هەندێك جار سەركەوتوو نابیت ؟| سیمینار لەسەر سەرکەوتن|